ପେଶା ତାଙ୍କର ସାମ୍ବାଦିକତା, ନିଜ ଅଂଚଳର ଖବର ସଂଗ୍ରହ କରି ସ୍ଥାନୀୟ ଖବର କାଗଜରେ ଦେବା ତାଙ୍କର ନିତିଦିନିଆ କାମ ହେଲେ ନିଶା ବେଶ ଅଲଗା ଆଉ ତାଙ୍କର ଏ ନିଶା ଅନେକଙ୍କ ପାଇଁ ଖୋଲି ଦେଇଛି ରୋଜଗାର ବାଟ । ସ୍ଥାନୀୟ ଅଂଚଳରେ ଗୋବିନ୍ଦ ଭାଇ ଭାବେ ପରିଚିତ ୬୧ ବର୍ଷୀୟ ଏ ବ୍ୟକ୍ତିଙ୍କର ପୁରା ନାମ ହେଉଛି ଗୋବିନ୍ଦ ରାଜୁ ସୁବୁଦ୍ଧି, ଗାଁ ନାରାୟଣପାଟଣା, ଜିଲ୍ଲା କୋରାପୁଟ ।
![](https://inspiringodisha.com/wp-content/uploads/2022/07/govinda3.jpg)
ଖବର ସଂଗ୍ରହ କରିବା ବେଳେ ନିଜ ଅଂଚଳର ଚାଷୀ ମାନଙ୍କୁ ବାହାର ରାଜ୍ୟକୁ ଯାଇ ଦାଦନ ଖଟିବାକୁ ଯିବା ତାଙ୍କ ମନକୁ ଆନ୍ଦୋଳିତ କରିଥିଲା । ସେ ଭାବିଲେ ଯଦି ଆମ ମାଟିର ପୁଅ ଯଦି ଏଇଠି ରହି ଭଲ ଦି ପଇସା ରୋଜଗାର କରିପାରିବ ତାହେଲେ ୟାଠୁ ଭଲ ଆଉ କିଛି ହୋଇ ନପାରେ । ତେଣୁ ପିଲା ଦିନରୁ କୃଷି ଓ ଚାଷବାସରେ ରୁଚି ରଖୁଥିବା ଗୋବିନ୍ଦ ନିଜର ୭ ଏକର ଜମିରେ ଚାଷକାର୍ଯ୍ୟ ଆରମ୍ଭ କରି ଅନେକଙ୍କୁ ଦେଲେ ନିଯୁକ୍ତି ।
![](https://inspiringodisha.com/wp-content/uploads/2022/07/govinda1.jpg)
“୩୦ ବର୍ଷହେଲା ମୁଁ ଚାଷବାଷ କରି ଆସୁଛି କିନ୍ତୁ ଏହାର ଆରମ୍ଭ ଏତେ ସହଜ ନଥିଲା, କାରଣ ଆମର ପାହାଡ଼ିଆ ବିଲରେ ଚାଷ କରିବା ଏତେଟୋ ସହଜ ନଥିଲା , ହେଲେ ମୁଁ ହାର ନମାନି ଆଗକୁ ବଢ଼ିଛି ସଫଳତା ପାଇଛି ଆଉ ନିଜ ସହ ୧୦ ଟି ପରିବାରକୁ ରୋଜଗାର ଦେଇପାରୁଛି ଯାହା ମୋ ପାଇଁ ବେଶ ସନ୍ତୋଷଜନକ ।”
କୁହନ୍ତି ଗୋବିନ୍ଦ
ଅନେକ ଯୁବ ଚାଷୀଙ୍କ ପାଇଁ ଆଦର୍ଶ ପାଲଟିଥିବା ଗୋବିନ୍ଦ ଚାଷବାସରେ ରସାୟନିକ ସାରର ପ୍ରୟୋଗ ନକରି ଜୌବିକ ଖତ ଉପରେ ନିର୍ଭର କରନ୍ତି ଯାହାକୁ ସେ ନିଜେ ପ୍ରସ୍ତୁତକରି ଚାଷବିଲରେ ପ୍ରୟୋଗ କରନ୍ତି । ପର୍ଯ୍ୟାପ୍ତ ଭାବେ କଳଦି ବାଷ ସହ ସେ ବାଇଗଣ, ଭେଣ୍ଡି ,କଲରା ଆଦି ଚାଷକରି ସେ ପ୍ରତି ରୁତୁରେ ୨ ଲକ୍ଷରୁ ଅଧିକ ରୋଜଗାର କରିବା ସହ ଅନେକଙ୍କୁ ଦେଇପାରୁଛନ୍ତି ରୋଜଗାର ।
![](https://inspiringodisha.com/wp-content/uploads/2022/07/govinda2.jpg)
“ମୋ ବିଲରେ କାମ କରୁଥିବା କୃଷକମାନେ ମୋ ପରିବାରର ସଦସ୍ୟଙ୍କ ଭଳି ତାଙ୍କ ବିନା ମୋତେ ସଫଳତା ମିଳିବା ସମ୍ଭବ ନଥଲା” – ବୋଲି ଗୋବିନ୍ଦ କୁହନ୍ତି ।